У Музеі Вавёркі адбылася дыялогавая пляцоўка
16 ліпеня мы адзначылі 81-ю гадавіну вызвалення Бераставічыны ад нямецка-фашысцкіх захопнікаў. Напярэдадні гэтай важнай даты ў Музеі Вавёркі адбылася дыялогавая пляцоўка.
Для ўсіх жыхароў нашага раёна 16 ліпеня – гэта святая дата, якая навечна ўпісалася ў гісторыю Бераставічыны як сімвал гонару і славы, мужнасці і адвагі ў імя Перамогі. Мы, у сваю чаргу, павінны памятаць і перадаваць з пакалення ў пакаленне праўду пра подзвіг нашых дзядоў і прадзедаў, якія цаной свайго жыцця ішлі да апошняга на ворага, каб сёння мы мелі мірнае неба над галавой і ўпэўненасць у заўтрашнім дні.
